तस्बिर : रासस
काठमाडौं, १७ वैशाख । किरात समुदायको महान् चाड उभौली सुरु भएको छ । आज (बैशाख पुर्णिमा)देखि सुरु भएको उभौली प्रदेश नं. १, काठमाडौं उपत्यका तथा किरात समुदाय वसोवास गर्ने विभिन्न देशहरुमा भव्यता साथ मनाइन्छ ।
उपत्यकामा हात्तिवन स्थित किरात माङखिम, गोकर्ण लगायतका ठाउँमा पुजा गरि विधिवतरुपमा सुरुवात गरेका छन् । किरात समुदायको राई जातिले उपत्यकामा साेमबार ललितपुरकाे हात्तिवन, नख्खिबोट, काठमाडाैंका गाेकर्ण लगायतका ठाउँमा शिली नाचेका छन् । भने आउँदो शनिबार काठमाडौंकाे टुडिखेलमा भव्यरूपमा साकेला शिली हुने भएकाे छ ।
यसै गरी प्रत्येक वर्ष किरात राई विद्यार्थी संघ त्रिभुवन विश्वविद्यालय कीर्तिपुर इलाका कार्यसमितिले गर्दे आएको साकेला शिलि कार्यक्रम जेठ ७ गते हुने समितीकी उपाध्यक्ष एनिला राईले जानकारी दिइन् ।
किराती समुदायले खेतीपाती सप्रियोस, रोगव्याधी नलागोस, प्राकृतिक विपत्ति नपरोस भन्ने कामनासहित पितृ तथा भूमिको पूजाआजा गरी महिनादिनसम्म उभौली मनाउने प्रचलन छ ।
साकेला पर्वको अवसरमा परम्परागत वेशभूषामा सजिएका दाजुभाइ, दिदीबहिनी, बुबाआमा, इष्टमित्र भेला भएर गोलो घेरामा ढोल र झ्याम्टा बजाउँदै साकेला नाच्ने गरिन्छ ।
ललितपुरकाे नख्खिपाेटमा साकेला शिली
 (1).png){kind=logo}
.gif)
.png)
