५५ करोडको अनलाइन जुवा खेलाएको आरोपमा युवक पक्राउ

---

नयाँ पेज

२०८१ मङ्सिर १२ बुधबार १५:२८ बजे

काठमाडौँ । सट्टेबाजी गराएको आरोपमा एक जना युवक पक्राउ परेका छन् । अनलाइनमार्फत विभिन्न खेलका निम्ति सट्टेबाजी गराएको आरोपमा काठमाडौँ उपत्यका अपराध अनुसन्धान कार्यालय, टेकुको टोलीले पक्राउ गरेको हो । 

प्रतिबन्धित अनलाइन सट्टेबाजी गराउने पाँचथर घर भई ललितपुर बस्ने सुनील राईलाई पक्राउ गरेको हो । उनीबाट ५५ करोड बराबरको कारोबार भएको अनुसन्धान कार्यालय स्रोतले जनाएको छ । ‘ठूलो मात्रामा अनलाइन जुवा खेलाएको सूचना छ, हामी अनुसन्धानमै छौं’, कार्यालयका एसएसपी सानुराम भट्टराईले भने ।