.gif)
 (1).png){kind=logo}
.png)
गाडी दुर्घटनामा परी मलेसियामा नेपाली सुरक्षागार्डको मृत्यु
काठमाडौ । मलेसियामा सडक दुर्घटनामा परी एक नेपाली सुरक्षागार्डको मृत्यु भएको छ । सडक दुर्घटनामा सुनसरीको इनरुवा नगरपालिका–६ का ४२ वर्षीय सञ्जीवकुमार श्रेष्ठको ज्यान गएको हो ।
मलेसियाको जोहरबहरूको सेनाइमा बुधबार बाटो काट्ने क्रममा दुर्घटनामा परेर उनको मृत्यु भएको आफन्तले जनाएका छन् । ड्युटी सकेर कोठा फर्किने क्रममा श्रेष्ठ दुर्घटनामा परेका थिए । सन् २०१७ मा वीरा सेक्युरिटि सर्भिस कम्पनीमा काम गर्न पुगेका उनी त्यहाँबाट फर्किएर फेरि अर्को कम्पनीमा गएका थिए ।
श्रेष्ठ सन् २०२३ मार्चमा नुर अपरच्युनिटी ओभरसिज म्यानपावर कम्पनीबाट ब्ल्याकगोल्ड सेक्युरिटी कम्पनीमा काम गर्न गएका थिए । गएको दुई वर्ष पुग्न लाग्दा उनको दुर्घटनामा ज्यान गुमाएका हुन् । उनको शव नेपाल झिकाइ दिन बुधबार नेपाली राजदूतावास मलेसियासँग परिवारले आग्रह गरेका छन् । वडा कार्यालयले दूतावासमा पत्राचार गरेको छ ।
