प्युठानमा घरभित्रै दम्पती मृत भेटिए, हत्याको आशंका

---

नयाँ पेज

२०८१ फाल्गुण १० शनिबार ०२:१२ बजे

प्युठान । प्युठानको माण्डवी गाउँपालिका–२ स्थित रातापानीमा एक दम्पती मृत अवस्थामा फेला परेका छन्। ६० वर्षका रामबहादुर परियार र उनकी पत्नी ५६ वर्षकी हुकुमा शनिबार घरमै मृत फेला परेका हुन् ।

जिल्ला प्रहरी कार्यालय, प्युठानका प्रहरी प्रमुख, प्रहरी नायव उपरीक्षक दीपेश बस्यालले दुवै जनाको शव उनीहरूकै घरमै फेला परेको जानकारी दिए । प्रहरीको प्रारम्भिक अनुसन्धानका उनीहरूको हत्या भएको जस्तो देखिएको छ । मृतकहरूको शरीर र टाउकोमा चोट देखिएकाले हत्या भएको प्रहरीले अनुमान छ ।  

शुक्रबार साँझ खाना खाएर सुतेका परियार दम्पती शनिबार बिहान अबेरसम्म नउठेपछि छिमेकीहरूले प्रहरी चौकी तिरामलाई खबर गरेका थिए । प्युठान प्रहरी प्रवक्ता, प्रहरी निरीक्षक केशव केसीले डीएसपी बस्यालको नेतृत्वमा अपराध अनुसन्धान शाखाका सात जना प्रहरी अधिकृतसहितको टोली घटनास्थलमा खटिएको छ ।