.gif)
 (1).png){kind=logo}
.png)
एनपीएलमा वर्षाको असर, लुम्बिनी र चितवनको खेल रद्द
खेल रद्द भएपछि लुम्बिनी र चितवनको खातामा एक–एक अंक
काठमाडौं : अविरल वर्षाका कारण नेपाल प्रिमियर लिग (एनपीएल)को तेस्रो संस्करणअन्तर्गत साबिक विजेता लुम्बिनी लायन्स र चितवन राइनोजबीचको खेल रद्द भएको छ ।
शनिबार नेपाल क्रिकेट संघ (क्यान)ले वर्षाका कारण खेल सञ्चालन हुन नसकेपछि रद्द गरिएको जनाएको हो । खेल रद्द भएसँगै दुवै टोलीले एक–एक अंक पाएका छन् । यससँगै लुम्बिनी र चितवनको अंक समान तीन पुगेको छ ।
अंक तालिकामा लुम्बिनी दोस्रो र चितवन तेस्रो स्थानमा छन् । दुवै टोलीको समान अंक भए पनि रनरेटका आधारमा लुम्बिनी अघि रहेको छ । लुम्बिनीले कात्तिक ९ गते भएको उद्घाटन खेलमा सुदूरपश्चिम रोयल्सलाई सात विकेटले पराजित गरेको थियो ।
चितवनले पनि विराटनगर किंग्सलाई आठ रनले हराउँदै प्रतियोगितामा पहिलो जित निकालेको थियो । वर्षाका कारण शनिबारको दोस्रो खेलसमेत प्रभावित हुने सम्भावना छ । निर्धारित तालिकाअनुसार बेलुका ५ बजे सुदूरपश्चिम रोयल्स र विराटनगर किंग्सबीच प्रतिस्पर्धा हुनेछ ।
