.gif)
 (1).png){kind=logo}
.png)
नेपाल मेडिकल कलेजमा रोजगारीको अवसर
काठमाडौं : जोरपाटीस्थित नेपाल मेडिकल कलेजले शैक्षिक, प्राविधिक, नर्सिङ तथा प्रशासनिक गरी विभिन्न पदमा कर्मचारी माग गरेको छ । कलेजले योग्य तथा इच्छुक उम्मेदवारबाट आगामी कात्तिक २१ गतेसम्म आवेदन आह्वान गरेको हो ।
कलेजले सहायक प्राध्यापक, लेक्चरर, स्टाफ नर्स, आईटी सहायक, क्याथ ल्याब टेक्निसियन, डेन्टल ल्याब टेक्निसियन, डेन्टल हाइजिनिस्ट, हेमोडायलाइसिस टेक्निसियन, प्रशासनिक सहायक र कम्प्युटर अपरेटर पदमा कर्मचारी माग गरेको छ । यस्तै, सेमि क्वालिफाइड चार्टर्ड एकाउन्टेन्टका लागि पनि आवेदन खुलाएको छ ।
शैक्षिक पदतर्फ इमर्जेन्सी मेडिसिनमा एमडीजीपी, रेडियोलोजीमा एमडी, मेडिकल इमेजिङ टेक्नोलोजीमा एमएस्सी तथा बायोकेमेस्ट्री र फिजियोलोजीमा एमडी गरेका उम्मेदवारले आवेदन दिन सक्नेछन् ।
स्टाफ नर्स पदका लागि नर्सिङमा बीएस्सी वा पीसीएल उत्तीर्ण गरी नेपाल नर्सिङ काउन्सिलमा दर्ता भएको हुनुपर्नेछ । मिडवाइफरी तथा आईसीयू तालिम लिएका र अनुभव भएका उम्मेदवारलाई प्राथमिकता दिइने कलेजले जनाएको छ ।
आईटी सहायक पदका लागि सम्बन्धित विषयमा स्नातक उत्तीर्ण गरेको हुनुपर्नेछ । नेटवर्क तथा सिस्टम सपोर्ट, हार्डवेयर, सफ्टवेयर, सर्भर व्यवस्थापन र प्राविधिक सहयोगसम्बन्धी ज्ञान भएकालाई प्राथमिकता दिइनेछ ।
त्यस्तै, क्याथ ल्याब टेक्निसियन, डेन्टल ल्याब टेक्निसियन, डेन्टल हाइजिनिस्ट र हेमोडायलाइसिस टेक्निसियन पदका लागि सम्बन्धित विषयको शैक्षिक योग्यता तथा तालिम आवश्यक पर्नेछ। यी पदमा अनुभव भएका उम्मेदवारलाई प्राथमिकता दिइने सूचनामा उल्लेख छ ।
प्रशासनिक सहायक पदका लागि सम्बन्धित विषयमा स्नातक तह उत्तीर्ण गरेको हुनुपर्नेछ भने कम्प्युटर अपरेटरका लागि सम्बन्धित क्षेत्रमा स्नातक तह तथा आधारभूत ग्राफिक्ससम्बन्धी ज्ञान आवश्यक पर्नेछ ।
इच्छुक उम्मेदवारले कलेजको आधिकारिक करिअर वेबसाइट यहाँ मार्फत अनलाइन आवेदन दिन सक्नेछन् । इमेलमार्फत आवेदन दिन चाहनेले आफ्नो विवरण career@nmcth.edu मा पठाउन सक्नेछन् ।
कलेजले आवेदनको अन्तिम मिति २०८३ कात्तिक २१ गते तोकेको छ। आवेदन दिनुअघि सम्बन्धित पदको योग्यता, आवश्यक कागजात र अन्य सर्त अध्ययन गर्न कलेजले आग्रह गरेको छ ।
झन्डै तीन दशकदेखि चिकित्सा शिक्षा र स्वास्थ्य सेवामा योगदान दिँदै आएको नेपाल मेडिकल कलेजले यस अवसरमार्फत योग्य जनशक्तिलाई आफ्नो संस्थामा आबद्ध हुने अवसर प्रदान गरेको जनाएको छ ।
हेर्नूहोस् सूचनाः
