कानुनविपरितका सुविधा फिर्ता गराउन संसद् सचिवालयलाई सरकारको आग्रह

---

नयाँ पेज

२०८२ असोज १३ सोमबार १२:३५ बजे

काठमाडौं । सरकारले कानुन विपरीतका सबै सुविधा फिर्ता गराउन संसदलाई आग्रह गरेको छ । 

अर्थ मन्त्रालयले सेवानिवृत्त राजनीतिक तथा प्रशासनिक पदाधिकारीको सुविधा फिर्ता गर्न संघीय संसद् सचिवालयलाई पत्र लेखेको हो ।

प्रचलित कानुनमा उल्लेख भएका बमोजिम बाहेक सेवा सुविधा उपब्ध गराइएको भए त्यस्ता सावरी साधन, जिन्सी सामान, सहयोगी, सुरक्षाकर्मी फिर्ता गर्न भनिएको छ ।

यही असोज ५ गते बसेको मन्त्रिपरिषद् बैठकले अनुत्पादक खर्च कटौती तथा मितव्ययीता कायम गर्ने भनेर विभिन्न निर्णय गरेको थियो । सो निर्णय कार्यान्वयन गर्न संघीय संसद् सचिवालयलाई पत्र लेखेको हो ।

सरकारको निर्णय लगत्तै राष्ट्रिय सभाका पूर्व अध्यक्ष गणेशप्रसाद तिमिल्सिना, पूर्वसभामुखद्वय ओनसरी घर्तीमगर र पूर्वसभामुख कृष्णबहादुर महराले पनि गाडीसहितका सुविधा फिर्ता गरेका छन् ।

सचिवालयका अनुसार प्रतिनिधि सभा र राष्ट्रिय सभा दुवैको नेतृत्वको सचिवालयमा रहेका सहसचिवस्तरका व्यक्तिले समेत गाडी सुविधा लिइरहेका छन् ।

अब कानुन विपरीतका सेवा सुविधा फिर्ता गराउनका लागि सरकारको पत्र प्राप्त भएकाले त्यसअनुसार आवश्यक कदम चालिने संसद सचिवालयले जनाएको छ ।