.gif)
 (1).png){kind=logo}
.png)
माधव लक्षित रामकुमारीको कटाक्ष : व्यक्तिको संकट टार्न भएको एकता अनेकतामा विभाजित हुन सक्छ
काठमाडौं : नेकपा एकीकृत समाजवादीकी नेतृ रामकुमारी झाँक्रीले व्यक्तिको संकट टार्न भएको एकता अनेकतामा विभाजित हुन सक्ने बताएकी छिन् ।
नेकपा (एकीकृत समाजवादी) को नेकपा (माओवादी केन्द्र) सँग एकताको तयारी भइरहँदा झाँक्रीको यस्तो अभिव्यक्ति आएको हो । उनको आक्रोश अध्यक्ष माधवकुमार नेपालतर्फ केन्द्रित छ ।
सामाजिक सञ्जालमार्फत उनले भनेकी छिन्– ‘व्यक्तिको आवश्यकता र व्यक्तिको सङ्कट टार्न भएको एकता अनेकतामा विभाजित हुन सक्छ। इतिहासको वास्तविकता यस्तै छ। मान्छे नै थपेर बहुमत पुराउन त सकिन्छ तर त्यस्तो बहुमतले सबैको भावना बोक्छ भन्ने चाहिँ होइन।’
एकीकृत समाजवादी र नेकपा माओवादी केन्द्रबीच एकताको तयारी छ । अध्यक्ष नेपालको नेतृत्वमा बहुमत केन्द्रीय सदस्य एकताको पक्षमा लाग्दा सम्मानित नेता झलनाथ खनाल, महासचिव घनश्याम भुसाल, नेतृ झाँक्रीलगायत भने एकताको विपक्षमा उभिएका छन् ।
माओवादीसँग एकता गर्न नचाहनेहरू एमालेमा फर्कने वा एकीकृत समाजवादीलाई पुनर्गठन गर्ने भन्ने द्वुविधामा छन् ।
2026-08-13-18-04-06.jpg)
