ढुङ्गाले लागेर प्रहरी जवानको मृत्यु

---

नयाँ पेज

२०८२ असार ३ मंगलबार १७:०२ बजे

दार्चुला । दार्चुलाको महाकाली नगरपालिका–६ मा ढुङ्गाले टाउकोमा लागेर गम्भीर घाइते प्रहरी जवान दीपेन्द्र पालको उपचारका क्रममा मृत्यु भएको छ। आज बिहान ‘निसिलको थागिल’ भन्ने स्थानमा खर काट्न गएको बेला माथिबाट खसेको ढुङ्गाले टाउकोमा लागेपछि पाल गम्भीर घाइते भएका थिए।

स्थानीयले तत्काल उद्धार गरी जिल्ला अस्पताल दार्चुला पुर्‍याए पनि उपचारका क्रममा मृत्यु भएको जिल्ला प्रहरी कार्यालयका प्रहरी निरीक्षक छत्रबहादुर रावतले जानकारी दिए। पाल केही दिन अगाडि मात्रै बिदामा घर आएका थिए।