नयाँ बानेश्वरमा गुडिरहेको बसमा धुवाँको मुस्लो 

---

नयाँ पेज

२०८१ श्रावण ३ बिहीबार ११:५९ बजे

काठमाडौं । काठमाडौंको नयाँ बानेश्वरमा गुडिरहेको एक बसबाट धुँवाको मुस्लो निस्किएपछि यात्रुहरुलाई ओरालिएको छ । भक्तपुरबाट काठमाडौंको रत्नपार्क जाँदै गरेको प्रदेश ३–०१–००५ ख ९५५४ नम्बरको बस नयाँ बानेश्वरस्थित संसद भवन नजिक आइपुग्दा धुँवैधुवाँ भएको थियो ।

इञ्जिनबाट धुँवाको मुस्लो निस्किन थालेपछि बसलाई रोकेर यात्रुहरु ओरालिएको र मेकानिक्स बोलाएर मर्मतको काम भइरहेको नयाँ बानेश्वर प्रहरीका डिएसपी शिवराज बुढाथोकीले जानकारी दिए । अहिले अवस्था सामान्य छ । सडकमा अन्य सवारी साधनहरु सामान्य रुपमा सञ्चालन भइरहेका छन् ।